同记鸡粥粉面

系长寿路荔湾区公安局对面，有间经营几十年嘅大排档，系路面唔仔细揾肯定揾唔到，因为根本无招牌，系坚记面店（又系间老字号，下次再讲）旁边嘅巷仔口，栋咗个已有岁月嘅木板，上书‘’同记鸡粥‘’，木板依靠经典‘日’字櫈一张，此櫈除支撑招牌，亦可等营业员坐系度招揽生意，闲时亦方便过往街坊歇脚，一举多得，实显广州人聪明实惠！

同记鸡粥粉面

同记鸡粥，重点系个鸡写，经过几十年浸过无数只鸡，其汤水必有其‘鸡精’浓缩，浸出嘅鸡系何其鲜美，师傅几十年嘅功底无需赘述，出品略带血丝，然而却肉不黏骨，最传统莫过于浸好嘅鸡经过冷冻处理，令鸡皮收缩，起到爽口目的！不过美中不足嘅系姜葱豉油太咸，如果用返姜蓉加盐，然后再淋热油就配搭完美了！

同记鸡粥粉面

已经点鸡，所以无叫鸡粥，要咗个三丝粥（鸡丝，肚丝同肉丝），虽然唔系招牌，不过出品仍然有惊喜，认真是足料，保证每啖粥都有肉到口，而且绝对无味猜嘅口感。

同记鸡粥粉面

一个炒菜心，睇得出师傅嘅用心，炒之前用咸水氽过，然后猛火急炒，出品翠绿脆口，分唔出菜嘅老嫰，唔错！正宗大排档出品。

鸡杂炒河粉，将鸡之所出最大化利用，鸡干新鲜，走油后入口芳香苏软。河粉一定经过手工一条条撕开，否则无可能炒出哩会条条河粉都上色均匀，可以睇得出确系用心制作。配上传统绿豆芽同韭黄，整出品色香味美，可以满分！

全部四样嘢盛惠53蚊，性价比无得顶！而且老板好吹得，得闲各位街坊可以去帮衬下。

另外老板有请残疾人士做服务员，也是功德无量，👍