如风往事之——闲话“跳橡皮筋”（方言文章）

如风往事之——闲话“跳橡皮筋”（方言文章）

        勒辣笔者小辰光，有交关好白相额游戏，其中有一项游戏叫做“跳橡皮筋”。勒辣老长额辰光里，大多数人都一致认为，是女小囡白相额室外游戏，有助于伊拉额身心健康，如果讲男小囡啊勒辣白相叠种游戏，就觉得覅大对头了，多少有一眼娘娘腔，覅像一额男人了。

如风往事之——闲话“跳橡皮筋”（方言文章）

        勒辣笔者小辰光，跳橡皮额材质有得两种，一种是用松紧带，另外一种就是用一根根橡皮筋串连起来，经济条件好一眼额人家，宁肯用牛筋橡皮筋，为啥啊？因为牛筋橡皮筋相对而言比较牢固，可以使用交关辰光，覅像其他材质额橡皮筋，使用辰光比较短容易断特。

如风往事之——闲话“跳橡皮筋”（方言文章）

        跳橡皮筋额辰光，嘴巴里还有口诀，曰：“马莲花开二十一；二五六，二五七，二八二九三十一；三五六，三五七，三八三九四十一”。。。。。。叠种口诀么啥道理好讲额，为得是读起来朗朗上口。

如风往事之——闲话“跳橡皮筋”（方言文章）

        勒辣伊额辰光，跳橡皮筋啊是要讲究季节额，一般秋冬季跳的比较多。跳橡皮筋额辰光，既可以从低跳到高，也可以从高跳到低，最高橡皮筋可以放到头筋骨处，女小囡还会得编排各种花头与动作。每当到了跳橡皮筋的时候，小旁友们会得早早额先把功课做好，还会得呼朋引伴三五成群额大声叫嚷道：“大家一到出来跳橡皮筋啊！”

如风往事之——闲话“跳橡皮筋”（方言文章）

        勒辣笔者小辰光、读小学额时候，也是跟女小囡一到跳过橡皮筋额，不过，当时跳来跳去，只会得跳一种动作，叫“开机关枪”。

如风往事之——闲话“跳橡皮筋”（方言文章）

        勒辣伊额辰光，覅光光是笔者自家，有交交关关男小囡，也会得跟一帮子女小囡跳橡皮筋，原因有其二，其一是，可以增进小旁友之间友情与情谊，其二是，勒辣冬天，通过跳橡皮筋，来抵御寒冷。

如风往事之——闲话“跳橡皮筋”（方言文章）

        覅晓得啥额道理，勒辣笔者读小学额辰光，每当到了冬季，天气就会变得特别额冷飕飕，勒辣教室里上课，就算笔者身浪厢穿了四件纯羊毛绒线衫，还是会觉得浑身上下都是冷飕飕额，人啊会得微微发抖，伊额辰光不像现在，是么得啥额空调额，唯一额希望就是能够早一眼眼下课，勒辣上另外一节课之前，通过跳跳橡皮筋来取取暖。

如风往事之——闲话“跳橡皮筋”（方言文章）

        到了现在，每当回想起小辰光跳橡皮筋游戏，还是蛮有趣额！

如风往事之——闲话“跳橡皮筋”（方言文章）

      【备注：①文章为作者原创；②各类跳橡皮图片均来源于网络上；③感谢原创图片。】

如风往事之——闲话“跳橡皮筋”（方言文章）

        杜老倌侠客居（陆伟）写于2018年07月16日星期一晚上